Палатата на Диоклецијан е трапезоидна палата и ја зафаќа целата област на стариот град Сплит, со површина од 28.900 квадратни метри. Во 295 година, римскиот император Гаиј Валериј Аврелиј Диоклецијан започнал со изградба на палата во заливот Брнистра на далматинскиот брег. По абдикацијата во 305 година, пензионираниот владетел ја напуштил Никомедија и се сместил во една палата со намера да го помине остатокот од својот живот тука. По смртта на Диоклецијан, палатата останала под империјална власт, а трансформацијата на палатата во град Сплит започнала во седмиот век кога жителите на блиската Салона се засолниле во неа под налетот на Аварите и Словените. И денес може да се забележи убавината на перистилот на палатата, мавзолејот на Диоклецијан, храмот на Јупитер, колонадите по улиците, ранохристијанските цркви, романескните куќи, портите на Андрија Бувина и архитектонските дела на Јурај Далматинац. Ова историско јадро на денешниот Сплит бИЛО вклучено во Листата на светско наследство во 1979 година.

Дубровник е прекрасен историски град основан во 7 век, лоциран на југот на Хрватска. Корените ги има уште во античко време. Тоа бил единствен хрватски поморски град-република од 14-ти до 19-ти век. Процветал во 15 и 16 век, и овој период се нарекува „Златно време на Дубровник“. Зачуваниот центар на градот опкружен со sидини препознатлив дел за градот Дубровник. Главниот градски ѕид е засилен со три кружни и 14 квадратни кули, со пет пентагонални кули, и голема тврдина Св. Иван. Меѓу кулите, најмонументална е кружната кула Минчета, а Бокар е меѓу најстарите зачувани остатоци од ваков вид во Европа. Во Дубровник има и две тврдини, Ревелин и Ловријенац. Вториот се наоѓа на карпа висока 46 метри, која се издига над морето и служи како една од најатрактивните отворени сцени за Дубровничкиот летен фестивал. Страдун е најпознатата централна улица во градот. Барокната катедрала дело на Тицијан и неговите помошници, Царинарница, палата Спонза, црква Св. Влаха, Градското собрание, Дукалската палата, еврејското гето, кое постои во Дубровник од 1352 година со синагога од 15 век, е една од најстарите зачувани синагоги во Југоисточна Европа.

Базиликата Еуфрасиј е катедрала Успение на Пресвета Св. Богородица,изградена е во 553 година, а позната е и како Еуфразијан и се наоѓа во стариот град Пореч. Трикорабната катедрала е поткрепена со два реда тенки мермерни столбови. Внатрешноста и фасадата на црквата се насликани со светкави мозаици и спаѓаат во најубаво сочуваните дела од византиската уметност. Комплексот на базиликата Еуфразија се состои и од атриум, крстилница, камбанарија и остатоци од мозаици и сакрални градби од 3, 4 и 5 век, како и блиската бискупска палата, во која неодамна се наоѓа сакралната колекција на епархијата Пореч-Пула. Во 1997 година, комплексот бил вклучен во списокот на светско културно и природно наследство од страна на УНЕСКО.

Градот Трогир се наоѓа на 20 километри западно од Сплит и е еден од најстарите градови на источниот јадрански брег, основан од грчки колонизатори од Вис во 3 век. Неговиот историски центар се наоѓа на мал остров населен уште од праисторијата, сместен во каналот помеѓу копното и островот Сиово, поради што често се нарекува „Мала Венеција“ и „Градски музеј“. Центарот на градот е најдобро сочуван римско - готски комплекс во Централна Европа. Средновековното јадро содржи зачуван замок со кула и цела низа палати од романскиот, готскиот, ренесансниот и барокниот период. Секако најзначајната зграда во Трогир е црквата Свети Лоренс, чиј западен портал е направен од Радован и тоа е најзначајниот пример за римско-готски стил во Хрватска. Во 1997 година, УНЕСКО го вклучи градот Трогир во регистарот на „Светско културно наследство“.