Манастир Свети Василиј Острошки

По Христовиот гроб и Светата гора, Манастирот Острог во Црна Гора е третото најпосетено светилиште во христијанскиот свет. Манастирот Острог се смета дека претставува вистинско место за одмор на душата и пронаоѓање на Бога во себе си. Дури и самиот пат и пристапот до ова свето место претставува вистински предизвик.
Се верува и дека виновата лоза која што расте покрај карпите на прочуениот манастир е лековита, поточно дека нејзините плодови ја лечат неплодноста.
Митрополитот Василиј се упокоил токму во манастирот Острог, а на местото на кое што тој ја испуштил својата душа, никнала винова лоза, која што вирее и ден денес.
Недолго потоа, митрополитот Василиј бил канонизиран за светец на Српската православна црква, која што секоја година, на 12-ти мај, слави во негово сеќавање.
Од тогаш, па до денешен ден, непрекинато се случуваат чудата на Свети Василиј Острошки.

Манастирот е поделен на горен и долен манастир. Во Горниот манастир се наоѓаат две мали цркви, горна црквичка посветена на Чесниот и Животворен Крст, каде што Свети Василиј ги поминал последните години од својот земјен живот, во пост и молитва. Втората, долна црква е посветена на Воведение на Пресвета Богородица, каде што и ден денес се чуваат моштите на овој Светител.

Во часот на неговото претставување пред Бога, неговата келија заблескала со необична и вонземска светлина.
Телото на Свети Василиј монасите го погребале во гробница под црквата Воведение на Мајката Божја.

Народот започнал да доаѓа на неговиот гроб и да се моли, исто како што доаѓал и за време на неговиот земен живот. На гробот започнале да се случуваат многубројни чуда, кои што ниту до ден денешен, на Острог не престануваат.

Според преданијата се вели дека, седум години по смртта на Светецот, на тогашниот игуман на манастирот Свети Лука во Парохијата во близина на Никшиќ, често му се појавувал во сон, наредувајќи му да оди во Острог и да го отвори неговиот гроб. Тоа се повторило два пати, а игуманот дури третиот пат решил да го раскаже сонот во своето братство, по што се упатиле кон Острог.

Кога го отвориле гробот на Свети Василиј, тие го пронашле неговото тело потполно неоштетено, жолто како восок, и мирисало на босилек. Тоа било вистинскиот доказ дека Василиј Острошки бил вистински светец. Неговите мошти биле сместени во ковчег каде што почиваат и ден денес.

Нема посетител што го посетил овој Манастир, а не ја допрел гранатата која што стои закотвена во карпестите ѕидови на Горниот манастир во Острог. Сите внимаваат на неа. Гранатата се чува како најголем експонат од Втората светска војна, при што се верува дека токму силата на свети Василиј не дозволила гранатата да експлодира и да ја оштети црквата на Чесниот крст. Со стручни анализи било утврдено дека гранатата била технички исправна и како таква требало да експлодира.

ПРОГРАМА НА ПАТУВАЊЕ:

Термини на поаѓање:  02, 16 и 30 Април 2021

1 ден (петок) СКОПЈЕ – ОСТРОГ
Состанок на групата во 19:30 часот на паркингот пред хотелот 'Holiday Inn' во Скопје.
Поаѓање во 20:00 часот кон Црна Гора (ноќно возење) преку Косово и Албанија со попатни паузи за царински формалности и одмор. Пристигнување во Црна Гора.

2 ден (сабота) МАНАСТИР ОСТРОГ
Пристигнување во утринските часови. Пристигнувањето во Острог и организација на групата со можност за пешачење до манастирот или користење на организиран локален превоз со минибус.
Пристигнување во манастирот Свети Василиј Острошки и посета на Горниот Манастир, Долниот Манастир и црквата која се наоѓа помеѓу Горниот и Долниот Манастир.
Факултативно разгледување на околината каде се наоѓа манастирот посветен на Св. Троица и црквата посветена на Светиот маченик Станко, овчар од селото Подвраќе кај Даниловград, на кого му биле пресечени рацете и бил погубен од страна на Турците во 1712 година.
Доколку има можност ноќевањето во манастирот е организирано во конаците во Горниот Манастир - каде не се наплаќа ноќевање и во Долниот Манастир- конаци Св. Тројца каде ноќевање е 5 евра (уплата на лице место), патниците кои тука ќе ноќеваат потребно е најдоцна до 21-22 часот да се сместат во собите во конакот. Доколку нема можност ноќевањето е во самиот двор на манастирот во вреќи за спиење.

3 ден (недела) МАНАСТИР ОСТРОГ – ПОДГОРИЦА – СКОПЈЕ
Напуштање на манастирот во 08:30 часот и заминување кон Подготица со кратка пауза за појадок во Делта Сити центарот. Возење преку Црна Гора, Албанија и Косово со попатни паузи за царински формалности и одмор. Пристигнување во Скопје во вечерните часови. 

Цена на аранжманот: 1.500,00 мкд

Во цената на аранжманот се вклучени следните услуги:
- Превоз со туристички автобус на наведената релација
- Ноќевање во дворот на манастирот во вреќи за спиење
- Организирани посети според програмата
- Организација на аранжманот и придружник на патувањето

Во цената на аранжманот не е вклучено:
- Индивидуално патничко осигурување (информации при уплата во агенцијата)
- Сместување во конаците на манастирот.
- Евентуални влезници за музеи и културно историски споменици (каде што е потребно)
- Неспоменати индивидуални трошоци за време на посетите, произлезени од лични потреби.

Напомени:
- При посета на црквите, мастирите и верските објекти, согласно христијанските и црковните канони (начин на облекување и однесување во нив), од верниците се очекува придржување до нив. Во манастирите жените влегуваат со долго здолниште, а мажите со долги пантолони, а горната облека треба да е со ракави.
- Ноќевањето во манастирот е организирано во конаците во Горниот Манастир - каде не се наплаќа ноќевање и во Долниот Манастир- конаци Св. Тројца каде ноќевање е 5 евра
- За реализација на овој аранжман, потребен е минимум од 45 патници.
- За овој аранжман важат Општите услови на патување на САВАНА и СКТМ