ЦРНА ГОРА

Црна Гора - бисерот на Медитеранот, сместена e во југоисточна Европа, на Балканскиот полуостров. Со уникатното Јадранско крајбрежје, прекрасни езера, 5 национални паркови и гигантски планини, оваа мала, но исклучително убава земја е опкружена со Албанија, Косово, Србија, Босна и Херцеговина и Хрватска. Туризмот е една од најважните индустрии во Црна Гора, а последните години Црна Гора е на списокот на врвни светски туристички дестинации.

Црна Гора се простира на површина од 13.812 км. Според последните статистички податоци има 670 000 жители. Главен град и најголем град е Подгорица  кој е административен и економски центар, додека Цетиње има статус на престолнина. Официјален јазик е црногорскиот јазик, а српскиот, хрватскиот, бошњачкиот и албанскиот јазик исто така се во официјална употреба.

Вкупната должина на црногорскиот брег е 293 км, додека вкупната должина на плажите е 73 км. Најдолгата плажа се наоѓа во Улцињ, долга 12 км,  вкупниот број на острови се 48. Државата по својата географска положба, припаѓа на средниот Медитеран, односно на Јужна Европа. Најголеми градови се Подгорица, Цетиње,  Даниловград, Никшич. Со својата мала територија, Црна Гора има дури пет национални паркови: Национален парк Биоградско езеро, езерото Скадар, Дурмитор, Ловќен, Проклетије. 
 
Пребарајте цени, резервирајте хотели и селектирајте понуди на нашата "online" платформа за продажба.

Општи информации

 
ГЛАВЕН ГРАД: ПОДГОРИЦА
 
ПОВРШИНА: 13.812 km2
 
ПОВИКУВАЧКИ КОД: +382
 
ОФИЦИЈАЛЕН ЈАЗИК: ЦРНОГОРСКИ
 
ВАЛУТА: ЕВРО €
 
ВРЕМЕНСКА ЗОНА: UTC/GMT +01:00

ПОЗНАТИ ТУРИСТИЧКИ МЕСТА

Галерија

Клима

PODGORICA WEATHER

ПРИРОДА

Црна Гора се наоѓа на самиот југ на Јадранското Море. Оваа убавина на дива природа е опсипана со суперлативи што сите би ги посакале. Оваа мала површина ја сочинуваат: море со прекрасни плажи, реки со уникатни кањони, чисти езера и гигантски планини. 
Непослушната природа се чини ги изгубила бисерите минувајќи низ Црна Гора. Една од нив е Дурмитор, прекрасна планина, која крие бројни леднички езера.
Чуварот на традицијата и гордоста на Црна Гора - Ловќен, ги комбинира немирниот дух на морето и мудриот континентален дел и со тоа ја одржува вековната рамнотежа.
На самиот југ на Црна Гора, вечно в вљубени еден во друг, реката Бојана и Јадранското Море создаваат една од најубавите плажи на црногорскиот брег - Велика плажа. Со должина од 13 км и се карактеризира со ситен и лековит песок.
Наведен во 20-те најубави заливи во светот, Которскиот залив се наоѓа помеѓу високи карпи што се рефлектираат во неговата кристално сина вода.
Биоградска гора, и прекрасниот кањон на реката Тара, се само некои од многуте чуда на природата.
Тишината на езерото Скадар, најголемото езеро на Балканот, ја нарушува само нежниот лет на птиците, кои изобилуваат овде.

КУЛТУРА

Благодарение на специфичната клима и историја, Црна Гора произвела голем број уметници, кои се здобиле со светска слава. Односот на Црногорците кон културата и уметноста најдобро го опишува познатата слика на Јарослав Чермак „Пренесување слики од дворот Цетиње“ во која Црногорците се повлекуваат пред турската војска за да ги спасат сликите. Бројни галерии, театри, фестивали и други културни настани покажуваат дека црногорскиот народ е многу заинтересиран за културата.
Разновидноста на периоди кои се промениле во оваа област оставиле траги на многу места во Црна Гора. Од палеолитот, преку бронзеното време, па сè до ренесансата и барокот, Црна Гора се опсипува со културно наследство. Голема концентрација на уметнички и културни богатства е препознаена во Которскиот залив, така што градот Котор е вклучен во културното наследство на УНЕСКО.
Манастирите кои се шират низ Црна Гора од византискиот период до денес откриваат духовни богатства. Секој ги маѓепсува посетителите на свој уникатен начин. Еден од нив е манастирот Острог, кој привлекува луѓе од целиот свет поради неговата исклучителна духовна сила и уникатен амбиент. Издлабено високо во карпите, тој е многу важен духовен и историски центар на Црна Гора.
Печатениот збор во Црна Гора датира од далечното минато. Триесет и осум години по Библијата на Гутенберг, во 1493 година, започна да работи првата печатница на Балканот. Една година подоцна, беше објавена првата книга на Октојх. Сето ова беше предуслов за подоцнежен развој на литературата во Црна Гора. Преку Андрија Змајевиќ, барокен поет и теолог, Петар I и Петар II Петровиќ Његош, едни од најголемите црногорски филозофи и државници, благодарение на Марко Милјанов и Стефан Митров Љубиша, црногорската литература влезе во светските анали.
Сликарите придонеле и за големиот успех на црногорската култура во светот. Одејќи по светот, тие преку својата уметност ја пренеле црногорската душа и така ја маѓепсале. Мило Милуновиќ, Петар Лубарда и Дадо Ќуриќ се само дел од многуте уметници кои на најдобар начин ја претставуваат Црна Гора.

ЗНАМЕНИТОСТИ


Интересни факти

  • Манастирот Даибабе во близина на Подгорица изгледа како обична зграда, а внатре се состои од подземни згради изградени во форма на крст.
  • Во Котор , кој е под заштита на УНЕСКО, се наоѓа најтесата улица во светот. Таа се вика: "Дозволете ми да ја завршам." На неа едвај се разминуваат две лица.
  • Најстарата маслинка расте во Бар , стара е повеќе од 2000 години.
  • Во таква мала земја како Црна Гора, има повеќе од 1600 цркви.

ИНТЕРЕСНИ ГРАДОВИ ЗА ПОСЕТА

Херцег Нови

Овој град е „град на сонцето“ со многу туристички атракции, град на мимозите и камелиите, многу цвеќиња и зеленило, и стар град.

Пераст

Ова мало и живописно место во Которскиот залив, со зачувана античка архитектура, се наоѓа во близина на познатиот остров - Пресвета Богородица на Скрпјело.

Котор

Стариот град Котор, едно од најпосетуваните места и една од Топ 5 туристичките атракции во Црна Гора. Чудесната атмосфера на ова античко место ќе ве остави без здив...

Порто Монтенегро

Порто Монтенегро денес е вистински пример за една од најубавите дестинации во Црна Гора. Луксуз спакуван во прекрасен медитерански стил, Порто Монтенегро денес е една од најпрестижните марини на Јадранското Море. Првенствено дизајниран за суперјахти и богати милијардери кои ќе имаат една нова дестинација каде ќе уживаат во мирната атмосфера и прекрасната природа. Денес, Порто Монтенегро во Црна Гора е главната туристичка атракција , но не само за богатите туристи, туку и за сите други. Прифатливи цени ќе ве изненадат во овој луксузен комплекс.

Будва

Целосно посветена на туристите и туризмот, со голем број атракции од кои стариот град Будва зазема централно место. Будва е место кое мора да го посетите

Свети Стефан

Свети Стефан е најлуксузниот туристички комплекс во Црна Гора. Посетен од голем број познати личности, Свети Стефан е икона на медитеранскиот туризам

Петровац

Овој мал крајбрежен град е идеален за семеен одмор. Римски вили, романтични шеталишта, прекрасни плажи и уште многу други одлични кафулиња и ресторани.

Бар

Прекрасниот стар град Бар, повеќе од 2000 години старо маслиново дрво, прекрасни плажи и од другата страна прекрасното езерце Скадар.

Улцин

Комбинација од ориентална и западна цивилизација, стариот град Улцин како антички пиратски град, го прават овој најјужен црногорски град една од главните дестинации.

Велика Плажа

Најдолгата плажа на Јадранското Море, покриена со прекрасен ситен песок, идеално место за спортови на вода, одлични ресторани, Порт Милена и Ада Бојана.

Пребарајте цени, резервирајте хотели и селектирајте понуди на нашата "online" платформа за продажба.

Од нашиот блог